منتديات الاحباب
 الزفيطي البوسعادي 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا  الزفيطي البوسعادي 829894
ادارة المنتدي  الزفيطي البوسعادي 103798

منتديات الاحباب


 
الرئيسيةالبوابةالتسجيلدخولتسجيل الدخول

شاطر
 

  الزفيطي البوسعادي

اذهب الى الأسفل 
كاتب الموضوعرسالة
الادارة
Admin
الادارة

عدد المساهمات : 190
نقاط : 573
السٌّمعَة : 1
تاريخ التسجيل : 03/07/2011
العمر : 27

 الزفيطي البوسعادي Empty
مُساهمةموضوع: الزفيطي البوسعادي    الزفيطي البوسعادي Emptyالأربعاء 6 يوليو - 2:10

اليوم جبتلكم كيفية عمل اشهر الماكولات البوسعادية واروعها وثاني من عند المادام نتاعي. المهم مانطولش عليكم تابعوا * للزفيطي البوسعادي نوعين (ازفيطي الفلفل الاحمر)و(ازفيطي الفلفل الاخضر) (1) ازفيطي الفلفل الاحمر -انهرسوا شويا فلفل احمر يابس وانحطوها في طاوة فيها ماء ونزيدولها شويا معجون طماطيش معلب ونزيدولها شويا ثوم امهرس بالملح وربع حبة طماطيش اخضر وشويا توابل يعني (افاح)وشويا زيت ونحطوهم يغلو مليح على نار هادية وتقطعي فيه شويا كسبر وتحبي ديري ازفيطي بالزيتون تقطعي في الدوزان شويا زيتون اخضر( الحبة على زوج) والمقادير حسب ذوق كل واحد . فالوقت لي راهم يغلوا فيه نعجنو عجينة كسرى عادي بصح بدون خميرة (رقساس) مكوناتها طبعا ماء و دقيق (سميد) وملح وبعد ما ندلكوا العجينة نقرصوها (نصفحوها)ونديروها شويا غليظة (سميكة قليلا)ونحطوها طيب في الطاجين.بعد ما طيب الكسرى نفتوها (نقطعها الى اجزاء صغيرة)وهي سخونة ومن بعد نحطوا لفتات في المهراس ونجيبوا الدوزان لازم يكون غالي مليح ميلح وسخون بزاف ونديروا منو شويا (زوج مغارف برمة) على لفتات لي في المهراس ونهرسوا مليح وبقوة وبعد ما يشرب لفتات الدوزان نزيدوا نديروا بالشويا وهكذا حتان يتفدق شويا( يتميع)........ لازم يتكل ساخن ..... وهكذا اخواتي نكون قد تحصلنا على ازفيطي الفلفل الاحمر
بصحتكم ........
(2) ازفيطي الفلفل الاخضر - نعجنوا الكسرى كيما قلتلكم قبيل في جزء ا زفطي الفلفل الاحمر كيف كيف تماما فالوقت لي راهي طيب فيه الكسرى نديروا 5 حبات فلفل اخضر و 2 حبات طماطيش اخضر يتشواو( يطيبوا في النار)ولا تحبي ديريهم يطيبوا في الطاجين بعد الكسرى المهم بعد ما يطيبوا تنحيلهم الجلوف كامل (تقشريهم) مليح .نديروا شويا ثوم وملح في المهراس ونهرسوا ونزيدوا نديروا معاه حبات الفلفل المشوي ونهرسوا ومن بعد نزيدوا عليهم حبات الطماطيش المشويين ونهرسوهم مليح معا بعض ونقطعوا فوقهم شويا كسبروشويا توابل ونخلوهم كاملين في المهراس .نحطوا طاوة فيها ماء وحدو تغلي مليح .انفتوا الكسرى في المهراس لي فيه الفلفل وباقي المكونات ونهرسوا مليح وبقوة حتان يتخلطوا كامل مليح .نجيبوا طاوة الماء ولازم يكون سخون بزاف ونديزوا شويا فالمهراس ونهرسوا مليح وبعد ما يشرب لفتات الماء نزيدولوا شويا ونهرسوا وبعد ما يتفدق نديرولوا شويا زيت ونهرسوه ........لازم يتكل ساخن ..........هكذا اخواتي نكونوا تحصلنا على ازفيطي الفلفل الاخضروبوسعادي ثاني .المهم اياو كاملين تاكلوا معانا انا ومرتي لي حضرتولكم يعطيها الصحة والهناء وبصحتنا كاملين .......هدية خاصة لاميرة الجزائر. سلااااااااااااااااااااااااااااام
 الزفيطي البوسعادي P1010525
الرجوع الى أعلى الصفحة اذهب الى الأسفل
https://maitar.ahladalil.com
 
الزفيطي البوسعادي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الاحباب :: منتديــــات الاســـرة :: مطبخنــــــــــا-
انتقل الى: